Na tarefa anterior o noso código preguntaba e resp era o nome da variable que garda o que tecleaba o usuario.

Se resp é un número e quero usalo despois para facer contas matemáticas a cousa complícase un nadita. Python considera que o que contesta o usuario é sempre “letras” que aquí se chaman cadeas. Python non sabe facer operacións matemáticas con cadeas. Cómpre converter as cadeas en números enteiros.

🧺 Preparación

😭😭 Python decide que o que teclea o usuario é unha cadea. Razón? pois así son as cousas🤷

Haberá que transformar o que di o usuario nun número “de verdade” para facer contas con el. O truco é a función int()

💻 Código

contestado = input("Cal é o teu número favorito? ")
numerito = int(contestado)
triple = numerito*3
print("Tres veces do teu número favorito é.... ", triple)

☁️ Proxecto para convertir ovos e ducias ☁️

Aclaración: unha ducia son 12 ovos

• Pregunta ao usuario cantas ducias de ovos leva a súa tortilla usando input().
• Convirte a resposta do usuario a número con int()
• Mostra o que dixo o usuario convertido a número.
• Fai a conta correspondente para saber cantos ovos leva esa megatortilla.
• Mostra en pantalla o resultado do número de ovos.

✏️ Cambios interesantes

Quen pasa de ducias a ovos pasa tamén de km a metros ou de euros a dólares….