Comezamos co noso primeiro código en python empregando unha función que trae de fábrica. É unha palabra en inglés e xusto despois parénteses. O interesante vai nas parénteses.
Abre un IDE para teclear o código, p.e. VSCodium e crea un ficheiro novo que se chame tarefa1.py Lembra onde o gardas, suxiro que o fagas no escritorio ou nunha carpeta.
Tecleamos a seguinte liña de código:
print("Moi boas a todos")
Abre un terminal en Linux e teclea directamente
python3 tarefa1.py
Simplemente con Enter deberías ver o que fai a túa función. Non parece difícil, ou?
Engade outras liñas de código para xogar con números:
print("2+2");
Agora caseque o mesmo pero sen comiñas:
print(2+2);
Inventa todas as variacións que se te ocurran: con comiñas, sen elas, con til, sen nada, con letras, con números, con emoticonos,… Fai as túas anotacións.
► Se poñemos entre comiñas calquera cousa: letras ou números fai algo así coma “copipaste”. Falamos de cadeas (Strings)
► Se o que poñemos é unha conta matemática (sen comiñas) mostra o resultado: os ordenadores saben moito de números.
Sube o teu ficheiro ao repositorio.
