alert();Comezamos co noso primeiro ficheiro de javascript empregando unha función que trae de fábrica. É unha palabra en inglés, parénteses e punto e coma final. O interesante vai nas parénteses.
Precisamos unha carpeta á que imos chamar tarefa1_alert que terá coma sempre un .html xunto cun .css e tamén un .js. Podemos facer o mesmo que na anterior tarefa:
Tarefa 0: Crear infraestrutura
No ficheiro escripito.js tecleamos a seguinte liña de código:
alert("Moi boas a todos");
Calcamos en index.html e debería abrirse o navegador mostrando o resultado do noso código.
Fai un pequeno cambio no teu ficheiro .js:
alert("2+2");
Agora caseque o mesmo pero sen comiñas:
alert(2+2);
Inventa todas as variacións que se te ocurran: con comiñas, sen elas, con til, sen nada, con letras, con números, con emoticonos,… Fai as túas anotacións.
► Se poñemos entre comiñas calquera cousa fai algo así coma “copipaste”. Falamos de cadeas (Strings)
► Se o que poñemos é unha conta matemática mostra o resultado: os ordenadores saben moito de números.
